Azaliya

Azaliya sərini sevir. Aşağı hava temperaturu bitkinin yaxşı çiçəklənməsini stimullaşdırır və hətta çiçəklənmə zamanı temperaturu biraz daha aşaı saldıqda bitkinin çiçəkləri daha uzun ömürlü olur. Gülçülər bunu etmək üçün müxtəlif yollardan istifadə edir. Məsələm, dibçəyə buz yerləşdirmək, soyuq su ilə sulamaq, üzərinə su sərpmək və s.. Otağın hərarəti çox olarsa orda bitkinin çiçəklənməsi mümkün deyildir. Azaliya gülü rütübətli şərait gülü olduğundan, onun torpağı həmişə nəm olmalıdır, yaş yox! Aşağı temperaturda sulama azaldılır və bitkiyə su sərpilmir, yuxarı temperaturda isə tam əksi olmalıdır. Əgər torpağı quru olarsa, dərhal onun nəmliyi üçün tədbirlər görülməlidir. Bunun  üçün bitkinin dibçəyini 3-4 saat (bundan çox olmamalı) su dolu qabda saxlamalı. Bundan sonra dəvamlı sulama 2-3 gündən bir həyata keçirilməlidir. Bitkinin sulanması üçün ən uyğun su yağış suyu, ərimiş su və distillə edilmiş su hesab edilir. Əgər yeni su istifadə olunursa o zaman yaxşıca gözlədilməli və ya qaynadılmalıdır. Bitkiyə həmçinin qaynadılmış su ilə su sərpmək gərəkdir.